Алматыда Қазақстан мен Словенияның бизнес-форумы өтті
2025 жылдың 2 сәуірінде Алматыда Қазақстан мен Словенияның халықаралық бизнес-форумы өтті. Бұл маңызды оқиға екі ел арасындағы іскерлік, серіктестік және достық байланыстарды нығайтуға арналған.
Форум елдер арасындағы ынтымақтастық пен тәжірибе алмасудың негізгі бағыттарын талқылауға бағытталған. Қазақстан мен Словения арасындағы тауар айналымының сомасы тұрақты өсуде. Егер 2022 жылы ол $129 млн. болса, бүгінгі таңда инвестиция көлемі $200 млн. жетті.
Қазақстанның және кәсіпкерлер палатасының атынан Алматы қаласы ӨКП директорының орынбасары Әлібек Оразовқа сөз берілді.
.jpg)
«Бүгінгі ауқымды шара өзара сыйластық, сенім және ынтымақтастыққа ұмтылысты білдіреді. Форум қатысушылары 30 компания мен түрлі салалардың өкілдері. Олардың барлығы серіктес болып табысты жұмыс атқаруға ниетті. Екі тараптан да жемісті жобалар бастауына негіз болатынына сенімдімін», - деп атап өтті Оразов.
Екі елдің өзара іс-қимылының негізгі бағыттары:
- Логистика
- Туризм
- Энергетика
- Фармацевтика
- Өнеркәсіп және өндіріс
- Телекоммуникация
- Азаматтық авиация
- Ғылым
- Ағаш өңдеу
- Ауыл шаруашылығы және т. б.
«Бүгінде Қазақстанда Словения капиталының қатысуымен 19 кәсіпорын табысты жұмыс істеуде. Олардың қатарында Gorenje, NRK, BRISTOL Group, Transalex, және басқалар. Қазақстанның сыртқы сауда палатасы жаңа жобаларды қолдауға және олардың әлемдік деңгейге шығуына жәрдемдесуге дайын», - деді өз сөзінде ҚПК басқарма төрағасы Ғайни Аманбаев.
Бизнес-форумға қатысу үшін Словениядан 50 компанияның өкілдері келді. Алматы қаласының кәсіпкерлері арасынан 35 кәсіпорын қызығушылық танытты.
«Қазіргі заманымыз күнделікті өзгеріп, жаңарып отырады. Бизнеске қойылар талаптар да күннен күнге жоғарылап отырады. Ол да дұрыс. Бұл бизнестің дамуына оң әсер тигізеді. Қазақстан – Орталық Азиядағы біздің ең ірі стартегиялық серіктесіміз. Қарым-қатынас құратын бағыттарымыз көп. Олар тек іскерлік ғана болып қоймай, шынайы достық қарым-қатынасы болуын қалаймыз», - деді сыртқы және европалық істер министрлігінің экономикалық жіне қоғамдық дипломатия дипертаменті директорының м.а. Петер Япель.
Словения экожүйелерді қорғау, таза өндіріс және тұрақты даму бастамаларын белсенді түрде алға жылжытуда. Бұл форум тәжірибе алмасу және осы салаларда бірлескен жобаларды іске асырудың мықты платформасына айналды.
Іс-шара аясында «Екі ел нарықтарындағы табысты мысалдар мен мүмкіндіктер», «Іскерлік орта, инвестициялық мүмкіндіктер және екіжақты ынтымақтастық» тақырыптарын талқылау сессиялары өтті.
Шара нетворкинг уақыты мен B2B кездесулерімен жалғасты. Ол дегеніміз қатысушыларға өзара тиімді іскерлік байланыстар орнатуға тамаша мүмкіндік.
Форум ең жоғары деңгейдегі кездесудің жалғасы болды. Онда екі елдің президенттері – Қасым-Жомарт Тоқаев пен Наташа Пирц-Мусар сауда, инвестициялар, көлік және логистика, сыни минералдар, цифрландыру және жасанды интеллект, денсаулық сақтау, туризм сияқты әлеуеті зор салалардағы одан әрі өзара іс-қимыл мәселелерінің кең ауқымын қарастырды. Ал бірқатар министрліктер арасында ынтымақтастық туралы меморандумдарға қол қойылған-тын.
Пікір қалдыру:
Пікірлер: