Ақтөбеде түзету орталықтары таңғы сағат 9-дан бастап жұмыс істей алады
Осылайша облыстың бас санитар дәрігері ерекше балалармен жұмыс істейтін орталықтар иелерінің дәлелдерін тыңдады. Кәсіпкерлер «Атамекен» өңірлік палатасында облыстың бас санитарлық дәрігері Нұрсұлу Беркімбаевамен өткен кездесуде өз сұрақтары мен ұсыныстарын айтты
Мәселен, «ЛогоРитм» педагогикалық түзету орталығының жетекшісі Әлия Өмірзақованың айтуынша, мұндай орталықтардың жұмыс режиміндегі өзгерістер олардың тәрбиеленушілері үшін өте маңызды.
«Қаулыда жұмыс кестесі біз үшін сағат 10:00-ден 21:00-ге дейін белгіленген. Алайда, бұл режимде жұмыс істейтін әрбір ата-ана баланы ала алмайтындығын немесе үнемі жұмыстан сұрануға мәжбүр болатындығын түсіну керек. Ал біздің тәрбиеленушілерімізге оңалтуды үзуге болмайды, бұл олардың жағдайын нашарлатуы мүмкін, ал өздері қараусыз үйде бола алмайды», – дейді кәсіпкер.
Облыстың бас санитар дәрігерінің бұл дәлелдерді қабылдағаны және түзету орталықтарының жұмыс режимін сағат 9:00-ге өзгерту мүмкіндігі туралы сендіргені қуантады.
Өз кезегінде Үздіксіз білім беру қауымдастығы (КАНО) филиалының төрайымы, «Балақай» БСО ЖШС директоры Наталья Каюдина мектепке дейінгі балалар атынан мектепке дейінгі білім беру мекемелеріндегі кезекші топтарды балалар санын ұлғайту жағына жинақтауды қайта қарастыруды өтінді.
«Қаулыға сәйкес кезекші топтар 15 баламен шектеледі. 20 адамға дейін ұлғайту нұсқасын қарастыруды сұраймыз, өйткені орындарға сұраныс бар және мекемелердегі барлық жағдай Қазақстан Республикасы Бас мемлекеттік санитарлық дәрігерінің 2020 жылғы 23 қазандағы № 57 қаулысы 14-қосымшасының талаптарын сақтауға мүмкіндік береді. Сонымен қатар, таңертең балаларды қабылдау туралы мәселе туындайды. Қысқы кезеңді ескере отырып, әрине, әлеуметтік қашықтықты және басқа да санитарлық қауіпсіздік шараларын сақтай отырып, ата-аналардың бөлмеге кіруіне рұқсат беру орынды деп санаймыз», – дейді Наталья Каюдина.
Облыстың санитар дәрігері балабақша иелерінің өтінішін түртіп алып, осы ұсыныстармен Комитетке шығуға уәде берді.
Базарлар мен сауда орталықтары өкілдерінің сенбідегі жұмыс кестесін белгіленген сағат 17:00-ден 23:00-ге дейін ұзарту және сенбі күндері көп адам болмасы үшін жексенбі күндері жұмыс істеуге рұқсат беру мүмкіндігі туралы қаралды. Мәселе өзектілігін сақтайды. Оның шешімі негізінен облыстағы эпиджағдайға байланысты», – деп атап өтті Нұрсұлу Беркімбаева.
- Мейрамхана бизнесіндегі жағдай сияқты.
Ақтөбе облысында коронавирустың таралуына қарсы күрес мақсатында мейрамхана және қонақ үй бизнесі қауымдастығының бағалауы бойынша 56-ға жуық мейрамхана, 6 түнгі клуб және 200-ден астам кафе жұмысы тоқтатылды.
Қауымдастықтың есебінше, егер наурыз айының басында мейрамханалардың кірісі 30-60%-ға төмендесе, айдың аяғында 90%-ға түскен.
Қоғамдық тамақтану саласының өкілі Гүлжан Сағандықованың айтуынша, карантин алынғаннан кейін мекемелердің 90%-ы ашылмауы мүмкін, бұл салада үлкен қиындықтар болуы мүмкін. Кейбір мекемелер жабылып жатыр, ал басқалары қосымша жұмыс көздерін қарастырып жатыр. Тағам жеткізу жағын да қолға алып жатқандар бар.
Бірақ ол да барлық шығынды қамтымайды.
Осыған байланысты рестораторлар мен мереке ұйымдастырушылар санитарлық дәрігерлерден отбасылық мерекелер мен банкеттер өткізуге рұқсат сұрайды. Есесіне, барлық қауіпсіздік шараларын сақтауға уәде береді. Және шектеулі адам санына қызмет көрсетуге келісіп отыр (50 адам).
Сондай-ақ, рестораторлар мейрамхана қызметі коронавирус ауруының өсуіне себеп болатындығын дәлелдеуді сұрайды.
Және кездесу соңында кәсіпкерлер санитарлық дәрігерден келесі шешімді шығару кезінде олардың пікірімен санасуды сұрады.
Естеріңізге сала кетейік, ведомствоаралық комиссия 17.11.2020 ж. бірқатар шешімдер қабылдады, оның ішінде:
ҚР Бас мемлекеттік санитар дәрігерлерінің және өңірлердің қаулыларын шектеу іс-шаралары қолданысқа енгізілгенге дейін 3 күн бұрын қабылдау тапсырылды. Бұл бизнеске жаңа шектеулерге алдын-ала дайындалуға мүмкіндік береді.
Пікір қалдыру:
Пікірлер: